SuperDizionari

lassâ lâ loc.v.

Permeti di lâ

esemplis

""Mame, tu podevis lassâmi lâ ancje me, jo o savevi ben i trois che menin a Litorie""

gjavât fûr di "Resurezion a Pontinie" di Pieri Somede dai Marcs

" il fantat, fasint larc cu la ruede de biciclete, ur scjampà disint: « Lassaitmi lâ… no ai timp di peteçâ cun voaltris…»"

gjavât fûr di "Un muart su la strade" di Pieri Menis

lassâ lâ loc.v.

Ignorâ, fâ fente di nuie o no cjapâ in considerazion

sinonims

lassâ di bande, lassâ pierdi, lassâ cori, lassâ in pâs, lassâ stâ

esemplis

""Sù, sù,lassìn lâ, no stin a tirà fûr storiis, butìn vie lis malinconiis [...]""

gjavât fûr di "Vilie di Nadâl" di Pieri Somede dai Marcs

lassâ lâ loc.v.

Dâ cun fuarce un colp

sinonims

dâ, molâ, petâ, slungjâ, sgnacâ, poiâ

esemplis

""Cimût la intindiso?" e sberlave "crodiso di stâ li a poltronâ infin al dì dal judizi voaltris, dopo vê mangjât e bevût su lis mês spalis?" E ma lafè sì e lassà lâ une sgnesule a puar sant Pieri"

gjavât fûr di "Il prin sarasin" di Catarine Percude

"i lassà lâ un scapelot che lu inzenoglà e i fasè svolâ il cjapiel"

gjavât fûr di "Il muc" di Roberto Ongaro

lassâ lâ loc.v.

Fâ che alc si cuei in maniere regolâr, daûr di cemût che il mût di cusinâ al jere za inviât

esemplis

"si regole di sâl e di pevar blanc e si lasse lâ il timp di fâ “strenzi”"

gjavât fûr di "Lis rosis tal plat" di Margherita Timeus

monolengâl